[GAL] Que se esconde trás dos misteriosos cartazes que dim “NKB 15M”?

Misteriosos cartazes em branco e preto enchem as paredes de várias localidades galegas.

Activistas pró-Palestina reivindicam a acçom performativa.

Varies activistas da Rede Galega pola Palestina, do BDS Galiza, de Lugo por Palestina e doutras organizaçons galegas solidárias co povo palestino som es responsáveis de encher as paredes de várias localidades do nosso país cuns misteriosos cartazes nos que se pode ler “NKB 15M” ("Nakba 15 de maio").

A acçom performativa tem como finalidade visibilizar a opresson que vive o povo palestino e fai mençom à Nakba ou Catástrofe. Esta é um processo de limpeza étnica e genocídio iniciado no 15 de maio de 1948 polo sionismo contra a populaçom palestina.

Os cartazes, en branco e preto, representam as cores mais comuns da kufiya, prenda usada na Palestina e símbolo da resistência anticolonial. Outro elemento que figura nalguns cartazes som as chaves, que portam muites palestines desde o início da Nakba e que eram as que usavam para abrirem as portas das suas casas antes de serem expulsades da sua terra polo regime colonial sionista.

Es activistas afirmam que esta é a primeira de muitas acçons e eventos que terám lugar até a semana do 15 de maio, na que haverá grandes manifestaçons em várias localidades galegas em apoio ao povo palestino.